BOOKING

Destinasjoner i Havlandet

Fosnavåg er hovudstaden i Havlandet, og ligg i ei naturleg skjerma bukt eller våg - på Bergsøya . Rundt om i Havlandet ligg fleire spennande reisemål på 8 ulike øyer, nesten alle knytt saman med spektakulære bruer. I tillegg finn du spennande selskapslokaler og restaurantar på holmar du lett kan nå frå Fosnavåg! Alle øyene har spesielle særtrekk og kvar sine spektakulære fotturar du kan gå utan snø nesten heile året, og svært fotogene utsiktspunkt vi er trygge på at du vil like godt. Vi innbyr deg til å bli med på eit eventyr rundt om i Havlandet! Det mest kjende reisemålet, er fugleøya Runde. Frå Fosnavåg tar du deg dit på ca 15 minutt med bil, ved å køyre over Bergsøya, Nærøya, Leinøya, Remøya og over til Runde. Nerlandsøya ligg på andre sida av Fosnavåg, ut mot havet. Også her kryssar du sjøvegen på ei spektakulær bru! Du kjem først til Kvalsund, og ut på sørsida av øya ligg Kopparstad. Tar du til høgre, kjem du til Kvalsvika. Heilt ytterst på Nerlandsøya ligg Mulevika, og ute i havet ligg Skorpa. For å komme dit, må du ut i båt. Hjartet i Havlandet ligg på øya Herøy. Du tar av frå hovudvegen på Nautøya ved Lanternen Camping. Her finn du Herøy Kystmuseum, og Herøy Gard med ei lang og spennande historie. På Herøy kan du sjå Herøyspelet Kongens Ring første helga i juli kvart år. Gurskøya er den største øya i Havlandet, og her finn du fleire reisemål og spektakulære historiske høgdepunkt. Her finn du Leikong, Moltustranda, Tjørvåg, Myrvåg og Stokksund. Her er gravrøyser og helleristingar, begge funn er av dei eldste i sitt slag i Europa. Til alle historiske og interessante punkt har vi laga ein digital guide som du kan ta med deg på turen!

Ta med deg guide på turen rundt i Havlandet

Last ned appen Voice of Norway

Rundebrua - filminnspeling

Rundebrua - filminnspeling

Herøy Gard - Herøy Kystmuseum

Herøy Gard - Herøy Kystmuseum

Raudebuda på Torvholmen

Raudebuda på Torvholmen

Fuglefjellet på Runde i solnedgang

Fuglefjellet på Runde i solnedgang

Goksøyr på Runde

Goksøyr på Runde

Lundefugl på Runde

Lundefugl på Runde

Kami Skotholmen - sjømatrestaurant på smaksholmen

Kami Skotholmen - sjømatrestaurant på smaksholmen

Herøy Gard -  grava til Anna med barnet

Herøy Gard - grava til Anna med barnet